18 лістапада на мастацка-графічным факульцеце ВДУ імя П.М. Машэрава адбылося адкрыццё выставы кафедры графікі Латвійскай акадэміі мастацтваў “Пашпарт латвійскай графікі”. У прасторы былі прадстаўлены каля 30 графічных твораў у розных тэхніках друку.

Сінція Паура, консул Латвійскай рэспублікі ў Віцебску:

—Я заўсёды кажу, што ў культуры граніцы не існуюць. Мне вельмі прыемна, што дадзеная выстава пачынае сваю працу 18 лістапада, у Дзень Незалежнасці Латвійскай рэспублікі. На працягу некалькіх гадоў Латвійская акадэмія мастацтваў і Віцебскі дзяржаўны ўніверсітэт імя П.М. Машэрава сумесна рэалізуюць розныя праекты і консульства з радасцю іх падтрымлівае.

         Латвійская акадэмія мастацтваў была заснавана ў 1919 годзе, а ў 1921 у акадэміі была створана кафедра графікі. На працягу амаль стагоддзя гэта кафедра з’яўляецца вядучай у развіціі нацыянальнай графічнай школы, спрыяе фарміраванню шэрагу пакаленняў яе славутых прадстаўнікоў, уносіць вялікі ўклад у развіццё новых накірункаў графікі. Сёння на кафедры падрыхтоўка вядзецца па двух накірунках — “графічнае мастацтва” і “мастацтва кнігі”.

Гунтарс Сіеньцыш, кіраўнік кафедры графікі Латвійскай акадэміі мастацтваў, прафесар, куратар выставы:

— Я вельмі рады супрацоўніцтву з вашым універсітэтам, таму што Віцебск — важны горад у гісторыі прафесійнага мастацтва Латвіі. У 20-я гады мінулага стагоддзя тут жылі і працавалі шмат латышскіх мастакоў і педагогаў. Гэта выстава з фондаў нашай акадэміі. На ёй прадстаўлены работы студэнтаў, якія ўжо скончылі ўніверсітэт і сталі прафесійнымі мастакамі. Упэўнены, што падобныя праекты — гэта толькі пачатак сумеснага шляху вашага універсітэта і нашай акадэміі.

Дзякуючы дзейнасці кафедры, латвійская графіка вылучаецца ў агульнаеўрапейскай мастацкай прасторы сваёй нацыянальнай самабытнасцю і сучасным узроўнем вобразна-пластычнага мыслення.

Міхась Цыбульскі, кандыдат мастацтвазнаўства ВДУ імя П.М. Машэрава, куратар выставы:

— Выстава графікі ў прасторы худграфа — гэта лагічны працяг супрацоўніцтва з Латвійскай акадэміяй мастацтваў. Да гэтага мы ўжо прывозілі выставы студэнтаў і магистарнтаў кафедры тэкстылю. Выстава “Пашпарт латвійскай графікі” рэтраспектыўная: прадстаўлены работы рознага часу, розных мастакоў. Хочацца паказаць увесь спектр таго, што адбываецца ў мастацтве Латвіі, у сістэме навучання Латвійскай акадэміі. Думаю, што ў рамках існуючага дагавора, у рамках нашых добразычлівых сустрэч і абмену выставамі, мы будзець радаваць студэнтаў новымі проектамі.

 IMG 6031

IMG 6046

IMG 6051

IMG 6077

IMG 6091

IMG 6104

IMG 6106

IMG 6109

IMG 6114

IMG 6116

IMG 6132

IMG 6142

©Аддзел медыякаммунікацый “Медыяцэнтр ВДУ”,

Міхась Цыбульскі

patriot photo 2020 06 11 14 46 41 b6c9d020a8d98865ed811f64277eddcc logo Баннер Витебские вести banner vitbichi 02 правоby
logo god kachestva FEST STYLE 2024 600х400 МинЛоготип105 20220707 pravovoj forum belarusi img211109 02 Приложение 3 Баннер ПРО русск qr code 3 12 100229 1 157722 Изображ соцсети 1

@ Віцебскі дзяржаўны ўніверсітэт імя П.М. Машэрава"