Дзень Канстытуцыі ў нашай краіне штогод святкуецца 15 сакавіка згодна з Указам Прэзідэнта Рэспублікі Беларусь ад 26 сакавіка 1998 года за №157. Менавіта гэту інфармацыю і расказаў Аляксей Уладзіміравіч на пачатку сустрэчы. Кожны прадстаўнік студэнцкага савета свайго факультэта звярнуўся да кіраўніка нашай альма-матар з пажаданнямі, прапановамі і просьбамі, у тым ліку расказаў аб праблемах, што яго хвалююць. Былі закрануты шматлікія пытанні: пражыванне ў студэнцкіх інтэрнатах, арганізацыя харчавання ў карпусах, вучэбныя планы, культурнае жыццё і шмат іншых. 

IMG 4736

Таксама былі разгледжаны ідэі развіцця іміджу ВДУ па некалькіх напрамках. Рэктар быў прыемна здзіўлены зацікаўленасцю хлопцаў і дзяўчат ва ўдасканаленні вучэбнага працэсу, адказаў на ўсе пытанні і нават даў моладзі некалькі каштоўных парад: «Вучэбны працэс – гэта не толькі чытанне кніг і наведванне лекцый. Ацэнка вас як будучых спецыялістаў і асоб пачынаецца з унутранага пазнання сябе. Ад імкнення і матывацыі залежыць развіццё сваёй культуры і камунікабельнасці з прадстаўнікамі іншых краін. У сучасным свеце камунікацыя адыгрывае значную ролю. Вучыцеся працаваць у камандзе. Перш за ўсё трэба станавіцца прафесіяналамі. Наша з вамі справа – вучыць і вучыцца! І гэта трэба рабіць з задавальненнем». Сустрэча прайшла плённа. Актывісты выказалі спадзяванне, што падобныя пасяджэнні будуць праводзіцца рэгулярна

IMG 4724

IMG 4730

@ Віцебскі дзяржаўны ўніверсітэт імя П.М. Машэрава"