12 лістапада ў Нацыянальным мастацкім музеі Рэспублікі Беларусь адбылося ўрачыстае адкрыццё персанальнай выставы прафесара кафедры выяўленчага мастацтва, мастацтвазнаўцы, мастака-жывапісца, педагога Міхася Цыбульскага пад назвай “Луналі ў небе аблокі”. У экспазіцыі прадстаўлена больш 30 твораў, якія выкананы ў тэхніцы алейнага жывапісу і гуашы.
Загадчык аддзела беларускага мастацтва ХХ–ХХІ стст. і куратар выставы Святлана Кот адзначае: “У абсалютнай большасці прадстаўленых у экспазіцыі твораў менавіта неба з’яўляецца галоўным кампазіцыйным і эмацыйным цэнтрам. Мастак рэдка піша ясны, статычны дзень – яго вабіць дынаміка аблокаў. Пейзажы мастака транслююць ідэю велічы і бязмежнасці прыроды, перад якімі глядач застаецца сам-насам. Гэта жывапіс вялікіх прастор, подыху ветру і ўрачыстай цішыні.
Шырокія, пастозныя, амаль стыхійныя мазкі – гэта не толькі адметная манера пісьма мастака, але і неабходнасць: працуючы на адкрытым паветры, аўтар піша вельмі хутка, каб зафіксаваць канкрэтны, імгненны стан неба, пакуль яно не змянілася.
У экспазіцыйнай практыцы Міхася Цыбульскага эцюд цалкам ураўнаваны ў правах са станкавай карцінай. Аўтар знарок не «загладжвае» і толькі нязначна дапрацоўвае свае пленэрныя працы ў майстэрні, паколькі менавіта ў эцюдзе захоўваецца тая жывая шчырасць і сапраўдная драматургія моманту, якую немагчыма штучна адтварыць у цішыні студыі”.
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |

Фотаздымкі Д.Кузьміча, М.Сергеенкі



























