У актавай зале – аншлаг! Такую цікавасць выклікала пастаноўка "Збіральнікі словаў, або як чорт і лешы мову захавалі". Гэтым творчым мерапрыемствам факультэт гуманітарных ведаў і камунікацый адзначыў урачыстае адкрыццё Фестывалю беларускага слова.

Нашыя таленавітыя студэнты падрыхтавалі запамінальную сцэнку. Сюжэт быў і павучальным, і займальным: двое шкодных міфалагічных стварэнняў выкралі ў людзей беларускую мову, і, каб вярнуць яе, трэба было выканаць цэлы прыгодніцкі квест!

Дзеля таго, каб выратаваць роднае слова, публіка разам з героямі:

• Спявала песні на роднай мове;
• Чытала вершы пра беларускую мову;
• Танцавала народныя танцы;
• Брала ўдзел у караоке;
• І адгадвала цікавыя загадкі.

Атмасфера была крэатыўнай: смех, авацыі, жывое ўзаемадзеянне і, галоўнае, пачуццё адзінай каманды. Гэта быў сапраўдны святочны парад беларускай культуры, мовы і творчасці.

Шчырая падзяка:

• Нашым здольным студэнтам-акцёрам за бліскучую пастаноўку. Асабліва прыемна было бачыць сярод удзельнікаў нашых туркменскіх сяброў. Іх энергія дапамагла зрабіць сцэнку яшчэ больш асаблівай.
• Усім выкладчыкам і арганізатарам за ідэю.
• І вам, нашы дарагія гледачы, за тое, што прыйшлі, паўдзельнічалі і стварылі гэты незабыўны вечар! Вы – лепшыя.

Фестываль толькі пачынаецца. Чакаем усіх на бліжэйшых мерапрыемствах! Будзе цікава!