На факультэце гуманітарных ведаў і камунікацый стартаваў Фестываль беларускага слова. Першымі ў гэтым цудоўным свяце слова далучыліся нашы госці – студэнты з Туркменістана.

Для іх прыгатавалі сапраўды цёплую і душэўную сустрэчу:

• Каравай па-беларуску;
• Народная гульня "Ручаёк" – пары прайшлі праз жывы калідор, створаны нашымі ліцэістамі;
• Цікавая прэзентацыя пра Беларусь;
• Вывучылі 6 важных беларускіх слоў;
• І сабралі пазл-карту нашай роднай краіны!

Гэта быў дзень поўны сяброўства, цяпла і адкрыццяў. Вялікі дзякуй усім удзельнікам. Арганізатарам і выкладчыкам – за ідэю і веды, ліцэістам – за энтузіязм і энергію, а нашым гасцям з Туркменістана – за тое, што сталі сёння сапраўднай часткай нашай сяброўскай суполкі.

Фестываль працягваецца. Чакаем усіх на наступных мерапрыемствах.