Філіял кафедры створаны на базе ДУА “СШ № 4 г. Віцебска” ў 2015 годзе. Загадчыкам філіяла кафедры з’яўляецца кандыдат філалагічных навук дацэнт А.С. Дзядова.
Асноўнымі задачамі філіяла кафедры з’яўляюцца наступныя:
– павышэнне прафесійнага ўзроўню выкладчыкаў кафедры і адаптацыя студэнтаў да ўмоў педагагічнай працы ў сучаснай сярэдняй агульнаадукацыйнай школе, укараненне інавацыйных тэхналогій у адукацыйны працэс універсітэта і ўстаноў адукацыі г. Віцебска і Віцебскай вобласці;
– аказанне практычнай дапамогі настаўнікам у вучэбна-метадычнай і навукова-даследчай дзейнасці, правядзенне сумесных навуковых даследаванняў;
– узмацненне практычнай скіраванасці вучэбнага працэсу ва ўніверсітэце, падрыхтоўка канкурэнтаздольнага спецыяліста з вышэйшай гуманітарнай адукацыяй;
– пошук і падтрымка адораных і таленавітых вучняў праз аказанне ім адукацыйнай дапамогі і паслуг, развіццё і падтрымка творчых здольнасцей навучэнцаў.
Філіял кафедры спрыяе больш якаснаму фарміраванню акадэмічных кампетэнцый студэнтаў факультэта гуманітарыстыкі і моўных камунікацый, якія маюць магчымасць арганiзоўваць i весцi педагагiчную (вучэбную, метадычную, выхаваўчую) дзейнасць падчас вытворчых педагагічных практык; выкарыстоўваць базавыя навукова-тэарэтычныя веды для вырашэння тэарэтычных i практычных задач; засвойваць i ўкараняць у навучальны працэс iнавацыйныя адукацыйныя тэхналогii.
На базе філіяла кафедры праводзяцца практычныя заняткі па методыцы выкладання беларускай мовы і практыкуме па беларускай мове. Студэнты маюць магчымасць пазнаёміцца з перадавым вопытам настаўнікаў вышэйшай катэгорыі, вучні якіх неаднаразова ўдзельнічалі ў абласных алімпіядах па беларускай мове і літаратуры, у конкурсах навукова-даследчых прац.
На базе філіяла арганізавана праца праектна-метадычнай лабараторыі “Сучасны ўрок беларускай мовы: традыцыйныя асновы і інавацыйны патэнцыял”, у межах якой з мэтай дыягностыкі ўзроўню практычных уменняў і навыкаў студэнтаў ажыццяўляецца падрыхтоўка і ўкараненне лінгваметадычных праектаў па дысцыпліне “Методыка выкладання беларускай мовы”.
На базе філіяла кафедры створаны раённы рэсурсны цэнтр па беларускай мове і літаратуры ўпраўлення адукацыі Кастрычніцкага раёна г. Віцебска, у якім дацэнт А.С. Дзядова падчас правядзення факультатыўных заняткаў працуе з адоранымі і таленавітымі вучнямі, ажыццяўляе іх падрыхтоўку да ўдзелу ў Рэспубліканскай алімпіядзе, а таксама да здачы цэнтралізаванага тэсціравання па беларускай мове.
У філіяле кафедры праводзяцца кансультацыі для настаўнікаў і вучняў па актуальных праблемах беларускай лінгвістыкі і пытаннях арганізацыі навукова-даследчай працы вучняў.
У працэсе рэалізацыі раённага адукацыйнага праекта “Аптымізацыя сістэмы навучання беларускай мове сродкамі ўзаемадзеяння “Школа – ВНУ” (для ўстаноў адукацыі Кастрычніцкага раёна г. Віцебска) філіял кафедры мовазнаўства праводзіць мэтанакіраваную працу па матывацыі і актывізацыі пазнавальнай актыўнасці і вучэбна-навуковай дзейнасці студэнтаў, іх прафесійнай падрыхтоўцы да працы ў сучасных агульнаадукацыйных установах. Студэнты, якія праходзяць педпрактыку на філіяле, маюць магчымасць наведаваць факультатыўныя заняткі з адоранымі і таленавітымі вучнямі, прымаць удзел у іх правядзенні ў раённым рэсурсным цэнтры па беларускай мове і літаратуры ўпраўлення адукацыі Кастрычніцкага раёна г. Віцебска.
У практыку школьнага выкладання беларускай мовы ўкараняюцца вынікі навуковых даследаванняў кафедры мовазнаўства – манаграфій, даведачных выданняў, падручнікаў і вучэбна-метадычных дапаможнікаў, а таксама лепшыя курсавыя, дыпломныя і магістарскія працы студэнтаў. Выкладчыкі кафедры ўдзельнічаюць у навучальных семінарах, пасяджэннях метадычнага аб’яднання настаўнікаў беларускай мовы і літаратуры Кастрычніцкага раёна г. Віцебска, праводзяць майстар-класы па рашэнні складаных лінгвістычных задач, арганізуюць кансультацыі для настаўнікаў і вучняў па найбольш складаных пытаннях беларускага мовазнаўства.
На базе філіяла кафедры практыкуюцца сумесныя мерапрыемствы выкладчыкаў, студэнтаў і вучняў педагагічных класаў ДУА “СШ № 4 г. Віцебска”, выступленні студэнтаў з навуковымі паведамленнямі падчас правядзення факультатыўных заняткаў ў раённым рэсурсным цэнтры па беларускай мове і літаратуры.
Сярод найбольш важных і цікавых сумесных мерапрыемстваў выкладчыкаў кафедры, настаўнікаў школ, вучняў і студэнтаў варта адзначыць наступныя:
- урок-узаемадзеянне (майстар-клас) па беларускай мове на тэму: «Даданыя члены сказа» з наступным абмеркаваннем урока.
- адкрытае пасяджэнне навуковага гуртка “Мова ў кантэксце культуры” (з удзелам вучняў 10-х профільных класаў педагагічнай скіраванасці ДУА “СШ №4 г. Віцебска”) на тэму: “У неба пехатою: нацыянальна-культурная адметнасць творчасці Рыгора Барадуліна” (да 90-годдзя з дня нараджэння народнага паэта Беларусі Р. Барадуліна).
- бібліяагляд “Навінкі ў галіне мовазнаўства і лінгваметодыкі ў дапамогу настаўніку-філолагу”.
- класная гадзіна ў 11 профільным класе педагагічнай скіраванасці на тэму: “Радзіма пачынаецца з таго, што не набыць, а страціць можна”.
- выхаваўчыя мерапрыемствы: “Беларускія заваёўнікі космасу”; “Я. Мая сям’я. Мая Радзіма: завочнае вандраванне па Беларусі”.
 |
 |
Студэнты факультэта гуманітарыстыкі і моўных камунікацый і вучні ДУА “СШ № 4 г. Віцебска” ўдзельнічаюць у сумеснай арганізацыі і правядзенні культурна-масавых мерапрыемстваў – Фестывалі беларускага слова, Тыдні пазнання і творчасці, мерапрыемствах, прымеркаваных да Міжнароднага дня роднай мовы, конкурсах чытальнікаў, пасяджэннях студэнцкага навуковага гуртка “Мова ў кантэксце культуры”, алімпіядах. З мэтай фарміравання ў старшакласнікаў пазітыўных поглядаў на прафесію настаўніка-філолага выкладчыкі кафедры і студэнты актыўна праводзяць прафарыентацыйную працу з выпускнікамі профільных класаў педагагічнай скіраванасці.
Адрес: 210038, г. Витебск, пр-т Московский, 33.
Телефон: (+375 212) 37-49-59 (приемная ректора)
Факс: (+375 212) 37-49-59
E-mail: